Lagt er til að koma fyrir hraðahindrun neðst á Kambsveginum þar sem hann mætir Kleppsveginum.
Þó nokkur brekka er á Kambsveginum þar sem hann mætir Kleppsveginum, sem veldur því að bílar eru oft á meiri hraða en æskilegt er þegar beygt er inn á Kleppsveginn. Einnig virðist biðskyldan á gatnamótunum oft fara fram hjá ökumönnum. Afleiðingarnar eru að oftar en ekki skapast þó nokkur hætta við gatnamótin. Benda má á að hraðahindranir eru nú þegar á næstu götum sem liggja inn á Kleppsveginn, sem eru Langholtsvegur og Hjallavegur.
This content is created by the open source Your Priorities citizen engagement platform designed by the non profit Citizens Foundation